प्रश्नको लागि धन्यवाद । ढाड दुख्ने समस्या धेरै कारणले हुन्छ । मेकानिकल ब्याक पेन एउटा प्रमुख कारण हो । हजुरले भने जस्तै लामो समयसम्म एउटै आसनमा बसिरहदा, उभिरहदा यस्तो समस्या देखिने हुन्छ । कहिलेकाही गह्रौ समान उचाल्दा पछाडीका केही तन्तुहरुमा चोट लागेर पनि यस्तो समस्या देखिने गर्छ । नसा च्यापिएको ढाड दुखाइमा भने त्यो दुखाइ सर्दै तिघ्रा र खुट्टासम्म आउने, खुट्टाका मान्सपेसी कमजोर हुने आदि समस्या देखिन्छ । त्यसै कारणले के कारणले ढाड दुखेको हो त्यो यकिन हुन जरुरी छ । त्यसको निम्ति अस्पताल गएर हाडजोर्नी चिकित्सकसंग सल्लाह लिने र एक्स रे पनि गराउन सकिन्छ । लामो समयसम्मको दुखाइमा एम आर आइ लगायतका अन्य जाचहरुको पनि आवश्यकता पर्न सक्छ । शिघ्र स्वास्थ्यलाभको कामना।